Aiton Etxe zentroak instalazio handiak ditu Oiartzunen, landa-eremuko familia-giroko ingurunean; 40 egoiliar hartzeko tokia dugu, eta plazen % 80 Aldundiarekin itundutakoak dira.
19 urte baino gehiagoko eskarmentua dugu gure lanean; tratu goxo eta atsegina ematen diegu aitona-amonei, gure senitartekotzat hartzen baititugu, eta bakoitzak bere premien eta senitartekoen premien araberako arreta –aktiboa eta gertukoa– jasotzen du, betiere bakoitzaren nahiak errespetatuta baina norberaren mugak aintzat hartuta, gure zentroan ongi pasatzeaz gain, egonaldi aberasgarria eta suspergarria izan dezaten.

Gure aitona-amonei behar eta merezi duten arreta pertsonal afektibo eta eraginkorra emateko lan egiten dugu zentroko erizain, terapeuta okupazional, begirale, laguntzaile, gidari eta koordinatzaile guztiok, giro atseginean, eta langile kualifikatu eta profesionalen bitartez.
Aiton Etxe eguneko zentroan, gure aitona-amonek aurrera egiten dute.